नेपाल नेटबल एसोशिएसनद्धारा संचालित अष्ट्रेलियन एडको सहयोगमा वान नेटबल ऐसिया कार्यक्रम अन्तर्गत पहिलो रास्ट्रिय क्लब स्तरिय प्रतियोगिता काठमाण्डौंको भानुभक्त मेमोरियल हाई स्कुलमा महामहीन नेपालका लागि अष्ट्रेलिलियाका राजदूत पेट बडको प्रमुख आत्तिथ्यमा सम्पन्न भयो । नेपाल नेटबल ऐसोशिएशनका महा सचिव दिपक लामाका अनुसार उक्त प्रतियोगितामा स्वप्न क्लब बाटीका लाई पहिलो स्थानमा विजयी भई १५ हजार नगद तथा ट्रफी प्रदान गरियो । साथै दोस्रो स्थानमा जनसेवा क्लबलाई रु ७ हजार ५ सय नगद सहित ट्रफी प्रदान गरियो । सर्वोकृष्ट खेलाडीमा स्वप्न बाटीका क्लबका बिनिता खत्रीलाई रु२ हजार ५ सय नगद र ट्रफी प्रदान गरियो । सर्वकृष्ट रक्षकमा कुमुदिनी क्लबका सुजिता गोपालीलाई रु२ हजार ५ नगद र ट्रफी प्रदान गरियो । उक्त प्रतियोगितामा ६ वटा क्लबहरुले सहभागिता जनाएका थिए । सो कार्यक्रम नेपाल नेटबल ऐसोशिएसनका उपाध्यक्ष महेश नेपालीको सभापतित्वमा धन्यावाद ज्ञापन गरी सफलतापुर्वक सम्पन्न भएको थियो ।
