शुक्रबार राजधानीमा आयोजित एक समारोहमा कृको ट्रेलर सार्वजनिक गरिएको छ । आगामी २६ गते रिलिज हुने कृमा अनमोल केसीलाई फरक गेटअप र भूमिकामा दर्शकहरुले देख्न पाउने छन् । कृमा अनमोल केसीको पाँचौ फिल्म एक्सन हिरोका रुपमा प्रस्तुत भूमिकामा देखिने छन् । केसीले आफू बोलेरभन्दा पनि कामले देखाउने भएकाले फिल्ममा दर्शकले हेर्न पाउनु बताए । नायिका अदितीले भने राम्रो स्क्रिप्टमा काम गर्न पाउँदा खुशी लागेको पनि बताइन् । फिल्ममा निर्देशक पौडेलकै कथा अनमोल केसी र अदिती बुढाथोकीका साथमा लक्ष्मी गिरी, रुपा राना, सरोज खनाल, कामेश्वर चौरासिया, अनुपविक्रम शाहीलगायतको मुख्य भूमिकामा छन् भने साथै फिल्ममा पुरुषोत्तम प्रधानको छायांकन र चन्द्र पन्तको एक्सन छ।
निर्माता सुवास गिरीको सुवास इन्टरटेनमेन्ट र निर्माता, निर्देशक तथा अभिनेता भुवन केसीको द सुपर कालोज फिल्मसको ब्यानरमा निर्माण भएको फिल्ममा कमल गिरी कार्यकारी निर्माता र श्रीपराजुली सहनिर्माता छन् ।
