नेकपा एमाले र माओवादी केन्द्रको पार्टी एकता संयोजन समितिको बैठक आज बस्दै छ ।
एकता संयोजन समितिमा दुवै पार्टीका अध्यक्ष तथा एमालेबाट माधव नेपाल, झलनाथ खनाल, बामदेव गौतम, इश्वर पोखरेल छन् भने माओवादीबाट नारायणकाजी श्रेष्ठ र रामबहादुर थापा वादल रहेका छन् ।
पार्टी एकता संयोजन समितिको बैठकअघि ओली र प्रचण्डले पटक-पटक भेटवार्ता गरेका थिए । एमाले-माओवादीले तालमेल गरेर प्रदेश र प्रतिनिधिसभा चुनाव लड्ने र चुनावलगत्तै पार्टी एकता गर्ने निर्णय गरेका थिए । यो अप्रत्यासित निर्णय भएको तीन महिनापछि पहिलो पटक बस्न लागेको एमाले-माओवादी पार्टी एकता संयोजन समितिको बैठकलाई चासोका साथ हेरिएको छ ।
यसअघि गत आइतबार एमाले अध्यक्ष केपी ओली र माओवादी केन्द्रका अध्यक्ष पुष्पकमल दाहाल प्रचण्डबीच भएको भेटबार्तामा मंगलबार (आज) एकता संयोजन समितको बैठक राख्ने सहमति बनेको थियो ।
