बुधबार राति भएको खेलमा रियल मड्रिड कोपा डेल रे फुटबल प्रतियोगिताको क्वाटरफाइनलमा प्रवेश गरेको छ ।
खेलमा नुमान्सियासँग २–२ को बराबरी खेलेका रियल मड्रिडले ५–२ को जितसँगै म्याड्रिड क्वाटरफाइनलमा प्रवेश गरेको हो ।
म्याड्रिडका लागी लुकास भाज्क्वेजले खेलको १०औं मिनेटमा गोल गर्दै टोलीलाई अग्रता दिलाएका थिए भने पहिलो हाफको ४५औं मिनेटमा नुमान्सियाका फर्नान्डेज हिइरोले गोल गर्दै खेल बराबरीमा ल्याएका थिए ।
त्यसपछि खेलको ५९औँ मिनेटमा लुकासले नै व्यक्तिगत दोस्रो गोल गर्दै म्याड्रिले पुनः अग्रता लियो । तर खेलको ईन्जुरी समयमा नुमान्सियाका फर्नान्डेजे ब्याक्तिगत दोस्रो गोल गरेपछि खेल बराबरीमा ल्याए । खेलको ९०औं मिनेटमा काल्भो सान्रोम्यान रातो कार्ड खादै मैदानबाट बाहिरिदा नुमान्सिया केही समय १० खेलाडीमा समेटिएको थियो ।
सो खेलमा रियलका क्रिष्टियानो रोनाल्डो, ग्यारेथ बेल, मार्सेलो तथा करिम बेन्जिमाले भने खेलेका थिएनन् । पहिलो लेगमा रियलले नुमान्सियालाई ३–० ले पराजित गरेको थियो ।
