मल्पी इन्स्टिच्युतले सातौं एस अन्तर ए लेभल कलेजस्तरीय छात्र बास्केटबल प्रतियोगिताको उपाधि शनिबार जितेको छ ।
त्रिपुरेश्वरस्थित राष्ट्रिय खेलकुद परिषद्को कभर्डहलमा भएको फाइनलमा मल्पीले द ब्रिटिस मोडेल कलेजलाई ७९–४४ ले पराजित गर्दै लगातार चौथोपल्ट च्याम्पियन बन्यो । मल्पीको जितमा शानदार प्रदर्शन गर्दै प्रसङ्गध्वज मास्केलले सर्वाधिक ३७ अंक योगदान गरे ।
पहिलो क्वाटरमा २१–१० को अग्रता लिएको मल्पीले अन्तिमसम्म अग्रतालाई कायम राख्दै जित अन्तरलाई फराकिलो बनाउदै लगेको थियो । मल्पीले दोश्रोमा १९–६, तेश्रोमा २०–१३ र चौथोमा १९–१५ को प्रदर्शन ग¥यो ।
एसद्वारा आयोजित प्रतियोगितामा मल्पीकै प्रसङ्ग ‘मोस्ट भेलुएबल प्लेयर’ चुनिए । ब्रिटिसका जोएल घले उदीयमान खेलाडी घोषित भए ।
विजेतालाई नेपाल बास्केटबल संघका महासचिव नरेन्द्र थापा र एसका प्रिन्सिपल विजयआनन्द शर्माले एक कार्यक्रमबीच पुरस्कृत गरे । माघ १३ गतेदेखि सुरु प्रतियोगितामा ८ टिमले लिग कम नकआउट आधारमा प्रतिस्पर्धा गरेका थिए ।
