रुसको केमोरोव शहरमा एक शपिङ सेन्टरमा आइतबार भयानक आगलागी हुँदा ३७ जनाको मृत्यु भएको छ ।
रुसको मिडियाले स्थानीय प्रहरीको हवाला दिँदै ६७ जना भन्दा बढी बेपत्ता भएको जनाएको छ । यीमध्ये ४० भन्दा बढी बालबालिका छन् ।
स्पुतनिक न्यूजका अनुसार आगो सबैभन्दा पहिले बिल्डिङको चौथो तलामा लागेको थियो ।
सामाजिक संजालमा यो घटनासँग सम्बन्धित एक भिडियो पनि पोष्ट गरिएको छ । यो भिडियोमा कैयौं मानिस ज्यान बचाउनको लागि झ्यालबाट हाम्फाल्दै गरेको देखिएको छ ।
स्थानीय मिडियाका अनुसार आगो सबैभन्दा पहिले लागेको ठाउँमा मनोरञ्जन कम्प्लेक्स र सिनेमाघर थिए । यो भागमा कैयौं बालबालिका फसेको हुन सक्ने अनुमान गरिएको छ । प्रत्यक्षदर्शीका अनुसार शपिङ मलमा सानो चिडियाखाना पनि थियो । यहाँ बाख्रा, गिनिपिग, बिरालो, कुकुरसमेत कैयौं जनावर थिए ।
आगलागीको कारण अहिलेसम्म पत्ता लाग्न सकेको छैन । यो सहर राजधानी मस्कोदेखि ३६०० किलोमिटर टाढा छ । (एजेन्सी)
