बार्सिलोना स्पेनिस ला लिगाको उपाधिका लागि एक जित मात्र टाढा छ । २९ अप्रिलमा डिपोर्टिभोलाई हराए बार्सिलोनाले चार खेल अघि नै उपाधि कब्जा गर्ने छन् ।
एथ्लेटिको मड्रिडले स्पेनिस ला लिगा फुटबलमा रियल सोसिडाडसँग हार व्यहोरको छ ।
घरेलु मैदानमा भएको खेलमा रियल सोसिडाडले एथ्लेटिकोलाई ३–० ले हराएको हो । डा सिल्भाले २७ औं मिनेटमा गोल गर्दै घरेलु टोलीलाई अग्रता दिलाए ।
बाँकी दुई गोल भने खेलको अन्त्यतिर भएको थियो । ८० औं मिनेटमा गोल गरेका जुआन्मीले अतिरिक्त समयमा गोल थप्दै सोसिडाडलाई ३–० को जित दिलाए ।
एथ्लेटिको मड्रिड ३३ खेलबाट ७१ अंकका साथ दोस्रो स्थानमा छ भने लिग लिडर बार्सिलोनाको ८३ अंक छ ।
