नुवाकोटको विदुर नगरपालिका वडा नं ९ लामाटारको देउरालीमा बस दुर्घटना हुँदा २५ जना घाइते भएका छन् ।
पासाङ लामु यातयातको बा२ख २८०४ नं.को यात्रुबहाक बस दुर्घटना भएको जिल्ला प्रहरी कार्यालय नुवाकोटले जनाएको छ ।
बुङताङबाट अन्दाजी ५०र५५ जना यात्रु बोकी त्रिशुलीतर्फ आउदै गरेको बस सडकदेखि अन्दाजी ४० मिटर तल खसी दुघर्टना भएको जिल्ला प्रहरी कार्यालय नुवाकोटका प्रहरी प्रमुख वसन्त कुँवरले बताउनुभयो ।
दुर्घटनामा परि ४ जना गभ्भीर घाइते भएका छन् भने घाइते हुनेमा नुवाकोट देउरालीका ६० वर्षिये प्रेमसिङ तामाङ , ६१ वर्षकी चोकनी तामाङ, ५९ वर्षिय ज्ञानबहादुर तामाङ र ३ वर्षका ईसायन रहेको प्रहरी प्रमुख कुँवरले बताउनुभयो ।
सामान्य घाइते हुनेहरुमा टिकामाया तामाङ, रिजम तामाङ होमबहादुर तामाङ , रिता तामाङ र लेसाङ तामाङ रहेको जिल्ला प्रहरी कार्यलय नुवाकोटले जनाएको छ । अन्य घाइतेहरुको भने नाम थर खुल्न नसकेको जिल्ला प्रहरी कार्यलय नुवाकोटले जनाएको छ ।
सामान्य घाइतेहरुलाई जिल्ला अस्पताल त्रिशुलीमा उपचार गरिएको छ् भने गम्भीर घाइतेलाई काठमाण्डौ ल्याएको छ । घटनाको थप अनुसन्धान भइरहेको जिल्ला प्रहरी कार्यलय नुवाकोटले जनाएको छ ।
