यही कात्तिक १६ गतेबाट प्रदर्शनमा आउन लागेको ‘चङ्गा चेट’को ‘गोजीमा दाम छैन’ पहिलो गीत सार्वजनिक गरेको छ । सोमबार राजधानीमा एक कार्यक्रम राख्दै पहिलो गीत र चलचित्रको मिति सार्वजनिक गरिएको हो ।
सार्वजनिक गरिएको गीतमा प्रियंका कार्की र आयुष्मान देशराज, सन्दीप क्षत्री, सुरक्षा पन्त, रविन्द झा र परमिता राणाको नृत्य हेर्न सकिने छ । उक्त गीतमा राजनराज शिवाकोटी, मेलिना राई र गृष्मा शिवाकोटीको स्वर रहेको छ भने राजराज शिवाकोटीको सङ्गीत रहेको छ । चलचित्रमा हरिहर तिमिल्सिना शब्द रहेको छ । दीपेन्द्र के खनालको निर्देशन गरेका छन् भने कथा प्रदीप भारद्वाजको छ । 
यो चलचित्रमा आयुष्मान, प्रियंका, परमिता, सुरक्षा, रविन्द्रको साथमा अर्पण थापा, शिरि बंगडेल, पुष्कर गुरुङ, सरिता गिरी, बेनिशा हमाललगायतको अभिनय रहेको छ । निर्देशक खनालका अनुसार आफूले दर्शकको हँसाउनका लागि मात्र भएभरको कमेडीको प्रयोग नगरेको दाबी गर्छन् ।
