नायिका रेखा थापाको निर्माता एवम् निर्देशक रहेको चलचित्र ‘मालिका’ को ‘सर सर हावा बहन्छ कता’को गीत सार्वजनिक गरेको छ ।
उक्त गीतमा आस्था राउतको स्वर रहेको छ भने शब्द र संगीत नरबहादुर र सुरेश अधिकाचरीको रहेका छन् ।
नायिका रेखा थापाले उक्त गीत महिलाहरुका लागि उपहार स्वरुप ल्याएको बताउनुभयो । उक्त गीतमा रेखा थापाका साथ नव कलाकार कमला दली, आर्जु ढुंगाना, नरबहादुर कार्की र बिहाल पहारीको भूमिका रहेको छ ।
चलचित्र “मालिका “मा जाजरकोटकी १४ बर्षिया कमला ओलीको मुख्य भूमिकामा रहेको छ । चलचित्रको छायाँकन काठमाण्डौं, बनेपा,जाजरकोटसहित बाँकेलगायतक क्षेत्रमा गरिएको छ ।
रेखा फिल्मस्को ब्यानरमा निर्मित “मालिका” कार्तिक २१ गते लक्ष्मीपूजाको दिन रिलिज हुँदैछ ।
चलचित्रमा नरबहादुर कार्कीको कथा रहेको छ भने पटकथा शिवम अधिकारीको हो ।
बालबिवाह मुक्त नेपाल निर्माणको अभियानमा यो चलचित्र केन्द्रित रहेको रेखा थापाले जानकारी गराउनुभयो ।
रामशरण उप्रेतीको छायांकन र सम्पादन बनिश बिक्रम शाह र मिलन श्रेष्ठले गरेका छन् । निर्माता सरस्वती थापा, कार्यकारी निर्माता नरबहादुर कार्की रहेका छन् ।
