चलचित्र ‘ड्रिम गर्ल’को नयाँ गीत ‘फुल टिपेर’ सार्वजनिक भएको छ । असोज १९ गतेबाट रिलिज गर्न तयारी थालेको ‘ड्रिम गर्ल’ले ‘फुल टिपेर’ बोलको गीत सार्वजनिक गरेको हो । उक्त निर्देशक ऋषिराज आचार्यको शब्द रहेको गीतमा स्वर तथा संगीत अर्जुन पोखरेलको रहेको छ भने अर्जुनलाई साथ दिएको छ दुर्गा खरेलले । आकाश श्रेष्ठ र आश्मा गिरीको साथमा भिडियोमा लक्ष्मी गिरी र विल्सन विक्रम राईलाई पनि देख्न सकिन्छ । चलचित्रमा सरोज खनाल, अर्जुन श्रेष्ठ, लक्ष्मी गिरी, पूजा पराजुली, निर्मल शर्मा, सुशिल पोखरेल, शिरि भण्डारी, तुल्सी श्रेष्ठ, सुरविर पण्डित, रुपा सुवेदी र रमी भट्टलगायतको अभिनय देख्न सकिन्छ । निर्देशक आचार्य, अर्जुन शर्मा र रामेश्वर धितालको लगानी रहेको छ ।
