निर्देशक दीपेन्द्र के खनालले निर्देशन गरेको चलचित्र ‘चंङ्गा चेट’को अफिसियल पोस्टर सार्वजनिक गरिएको छ । कार्तिक १६ गतेबाट प्रदर्शनमा आउने चलचित्र ‘चंङ्गा चेट’को पोस्टर सार्वजनिक गरेको हो । केहि दिनमा चलचित्रको ट्रेलर सार्वजनिक गरिने निर्माण टिमले बताएका छन् ।
चलचित्रमा प्रियंका, आयुष्मान, परमिता, रविन्द्र, सुरक्षाको साथमा अर्पण थापा, शिशिर बंगडेल, सरिता गिरी, पुष्कर गुरुङ, बेनिशा हमाललगायत कलाकारको अभिनय रहेको छ । चलचित्रमा अर्जुन पोखरेलको संगीत, निरक कँडेलको छायांकन, सूर्य ठोकरको द्वन्द्व, दीर्घ खड्काको सम्पादन रहेको छ । निश्चल बस्नेत, बेनिशा हमाल र ऋचा शर्माको विशेष भूमिका सिनेमामा रहेको छ । प्रिन्सेस मुभिजको ब्यानरमा तयार भएको चलचित्रमा माधव वाग्ले र शर्मिला पाण्डेको संयुक्त लगानी रहेको छ । चलचित्र डार्क कमेडीमा बनेको खनाले बताए भने प्रदीप भारव्दाजको कथा रहेको छ ।
