फिल्म ‘ए मेरो हजुर ३’को फस्र्ट लुक पोस्टर सार्वजनिक भएको छ ।
नायक अनमोल केसी र ‘ए मेरो हजुर ३’ फिल्मबाट डेब्यु गर्दै नायिका सुहाना थापाको मुख्य अभिनय रहने फिल्म ‘ए मेरो हजुर ३’को पोस्टर सार्वजनिक गरिएको हो ।
सार्वजनिक भएका दुई पोष्टरमा नायक अनमोल केसी र नायिका सुहाना थापालाई देख्न सकिन्छ ।
फिल्ममा नायक अनमोल केसी गायकको भूमिकामा निर्वाह गर्दै छन् । श्रीधर पौडेलको फोटोग्राफी रहेको उक्त पोस्टर टौवा क्रियसनले डिजाइन रहेको छ ।
लभ स्टोरीमा निर्माण हुने फिल्ममा अनमोल र सुहानासँगै अर्पण थापा, सलोन बस्नेत, रबिन्द्र झालगायतको अभिनय रहनेछ ।
सुहाना इन्टरटेनमेन्टको प्रस्तुती रहेको फिल्मलाई सुनिलकुमार थापाले निर्माण गर्न लागेका हुन् भने निर्देशन नायिका र निर्देशक झरना थापाको रहनेछ । डेब्यु नायिका सुहाना सुनिल र झरानाकी छोरी हुन् । पोस्टर सार्वजनिक भएसँगै फिल्मको औपचारिक छायांकनसमेत शुरू भएको छ ।
फिल्म चैत्र २९ गतेदेखि प्रदर्शनमा आउने छ ।
