नोभेम्बर २ मा चलचित्र ‘जिरो’को ट्रेलर रिलिज हुँदैछ ।
बलिउडका सुपरस्टार नायक साहरुख खानको जन्मदिनको अवसर पारेर उक्त चलचित्र रिलिजको तयारी गरिहेको हो । उक्त चलचित्रको ट्रेलर रिलिज अगाडि २ पोष्टर सार्वजनिक गरिएको छ ।
मध्यरातमा नायक साहरुख खानले ट्विटरमार्फत दुई पोष्टर सार्वजनिक गरेका हुन् । पोष्टर सार्वजनिक भएसँगै यसको अहिले चर्चा चलिरहेको छ ।
आनन्द एल रायको निर्देशनमा तयार भएको यो चलचित्र डिसेम्बर २१ तारिखबाट रिलिज हुँदैछ ।
चलचित्रको दुई वटा पोष्टरमा साहरुखसँग दुई नायिका देखिएका छन् । साहरुख खानसँग कट्रिना कैफ निकै हट देखिएकी छिन् भने अनुष्का शर्मा सफ्ट देखिएकी छिन् ।
चलचित्रको ट्रेलर हेरेका केही समिक्षकले यसको खुलेरै प्रशंसा पनि गरेका छन् । यो चलचित्रमा साहरुख शारीरिक रुपमा होचो व्यक्तिको भूमिकामा देखिएका छन् ।
