चलचित्र ‘प्रेमलीला’को पहिलो गीत सार्वजनिक गरिएको छ ।
सिनेमाको पहिलो गीत हिन्दी भर्सनको गीत ‘जाने क्या हुवा ए’ बोलको गीतमा सिनेमाका मुख्य कलाकार दिपशिखा खड्का र भारतीय मोडल अली खानलाई देखाइएको छ ।
सार्वजनिक गीतको भिडियोमा पबन गौतमको छायांकन, डाक्टर सागरको शब्द तथा रवि राज शाहको संगीत रहेको गीतमा राजा हसन र सौमी शैलेशको स्वर छ ।
नायिका खड्काकै कथा तथा लेखन रहेको सिनेमामा चन्दन दत्त र सालिक दुलालको सम्पादन, रामजी लामिछानेको कोरियोग्राफी रहेको छ ।
चलचित्रमा दीपशिखा र अलिसँगै मौसम खड्का, सुरज तमु, रेखा शाह, शर्मिला शर्मा, भारतीय कलाकारहरु अर्चना शुक्ला, ट्वीकंल श्रीवास्तवलगायत रहेका छन् भने जनक पाण्डेले निर्देशन गरेका हुन् ।
चलचित्रमा नानीमैया कार्की र फैजिल फिल्म्सको लगानी रहेको छ । माघ २५ बाट प्रदर्शनमा आउँदै छ ।
