चलचित्र ‘साँइली’को पहिलो पोस्टर सार्वजनिक गरिएको छ ।
चैत्र १५ गतेबाट रिलिज हुन लागेको ‘साँइली’मा गौरव पहारी, मेनुका प्रधान, दयाहाङ राई, माओत्से गुरुङ, केनिपा सिंह, प्रकाश घिमिरे, अरुण कार्कीलगायतका कलाकारको मुख्य भूमिका रहेको छ ।
जीएच इन्टरटेनमेन्टको व्यानरमा निर्माण भएको सिनेमामा रामबाबु गुरुङको लेख निर्देशनमा तयार भएको सिनेमाको शीर्षक सार्वाधिक चर्चित गीत ‘सुन साँइली’बाट सापटी लिइएको हो ।
गायक हेमन्त राना र गौरव पहारीले मिलेर निर्माण गरेका हुन् ।
विशाल गुरुङ र मोहन राना मगरको लगानी रहेको चलचित्रमा बिजय अवाले, विकाश पुजास, सुवेच्छा केसी सह निर्माताको रुपमा रहेका छन् ।
कार्यकारी निर्माता मणिराम पोखरेल हुन् भने कालीप्रसाद बास्कोटा, सुशान्त गौतमको संगीत, शैलेन्द्र डि कार्कीको छायांकन, निमेष श्रेष्ठको सम्पादन रहेको छ ।
