भारतका प्रख्यात तबलावादक जाकिर हुसैन सांगीतिक प्रस्तुतिको लागि काठमाडौं आउने भएका छन् ।
नेपाल–भारतमैत्री सम्बन्ध स्थापनाको ७० वर्ष पूरा भएको खुशियालीमा भारतीय दूतावासले आयोजना गर्ने सांगीतिक प्रस्तुतीको लागि तबलावादक जाकिर हुसैन काठमाडौंमा आउन लागेको हो ।
भारतीय दूतावासले बुधबार एक पत्रकार सम्मेलन गरी मंसिर १२ गते हुने सांगीतिक प्रस्तुती लागि तबलावादक हुसैन काठमाडौं आउने जानकारी दिएको हो ।
तबलावादक हुसैनसँगै मृदंगवादक अनन्त कृष्णन, सारंगीवादक सबिर खान र ढोकलवादक नवीन शर्मा पनि आउने छन् ।
भारतीय दूतावासको इन्डिया हाउसमा आफ्नो सांगीतिक प्रस्तुती पस्किने छन् ।
भारतीय राजदूत मञ्जिवसिंह पुरीले नेपाली र भारतीय जनताबीचको सांस्कृतिक सम्बन्धलाई मजबुत बनाउनका लागि सांगीतिक कार्यक्रम आयोजना गर्न लागिएको बताए ।
