सलोन बस्नेतको चलचित्र घनचक्करको गीत ‘दाईको सालो’ सार्वजनिक भएको छ । मुख्य कलाकार सलोन बस्नेत, नरेन खड्का र कस्मिरा लामालाई गीतमा देखाइएको छ । गीतमा राजेश पायल राई र मण्डवी त्रिपाठीको स्वर रहेको छ भने शब्द तथा संगीत बिपिन आचार्यको रहेको छ । जितेन्द्र राजोपाध्यायले निर्देशन गरेको चलचित्रमा मुख्य भूमिकामा सौगात मल्ल र सलोन बस्नेत रहेका छन् ।
जेबी डिसी, आशान्त शर्मा, ममता प्रधान, शिशिर भण्डारी, दामोदर पौडेल, जनक घर्ती मगर, प्रवन भुसाललगायतका कलाकारहरुको समेत अभिनय रहेको छ । भट्ट एण्ड सन्स प्रोडक्सनको ब्यानरमा निर्माण भएको चलचित्रको छायांकन सुसन प्रजापतिले गरेका हुन् ।
चलचित्र पुस १३ गते रिलिज हुँदै छ ।
