एस.एस इभेन्ट्सले आफ्नो ५औँ वार्षिक उत्सवको अवसर पारेर नेपाली चलचित्रका नायिका वर्षा राउतलाई सम्मान गरेको छ ।
राजधानीमा एक कार्यक्रममा ‘सेलिब्रेटी गेस्ट अफ अनर’को रुपमा कार्यक्रममा उपस्थित भएकी वर्षालाई नेपाली चलचित्र क्षेत्रमा पुर्याएको योगदानको कदर गर्दै उक्त सम्मान प्रदान गरिएको हो ।
एस.एस इभेन्ट्सका कार्यक्रम निर्देशक प्रविन जोशीले आगामी दिनमा नेपाली कलाकारहरुलाई समेटेर केही कार्यक्रम गर्ने योजनामा रहेको बताए । ‘त्यसको शुरुआत नायिका वर्षालाई सम्मान गरेका छौँ’, उनले भने ।
सम्मानित नायिका वर्षाले स्पोर्टसमा सक्रिय रहेको संस्थाले कलाकारहरुको योगदानको कदर गर्दै आफुलाई सम्मान गरेकोमा एस. एस. इभेन्ट्सप्रति कृतज्ञ रहेको बताइन् ।
