राजधानीको नक्साल स्थित बालमन्दिरमा ४ दिन लगाएर फिल्म ‘रणवीर’ को गीतको छायाँकन गरिएको छ ।
माघ १८ मा रिलिज हुने सिनेमा ‘रणवीर’ पछिल्लो समय चर्चामा रहेका संगीतकार राजनराज शिवाकोटीको संगीत रहेको गीतमा शब्द र स्वर पनि उनकै रहेको छ । गीतमा राजनलाई साथ दिएकी छिन् अन्जु पन्तले ।
‘तिरिमिरी तिरिमिरी तिनतारा’ बोलको गीतमा सिनेमाका मुख्य कलाकार सुशील सिटौला, शुभेच्छा खड्का र सुपुस्पा भट्ट फिचर्ड गरिएका छन् । यसै सिनेमा मार्फत अभिनयमा डेब्यु गरिरहेका शुभेच्छा र सुपुस्पाले नेपाली टिपिकल ड्रेसमा आफुलाई प्रस्तुत गरेका छन् । गीतलाई रामजी लामिछानेले कोरियोग्राफ गरेका छन् ।
चलचित्रमा कथा, पटकथा, संवाद तथा निर्देशन गोविन्द सिंह भण्डारीको चलचित्रमा दीपेन्द्र रेग्मी र गोमा बिष्ट थापाले निर्माण गरेका हुन् ।
गोविन्द सिंह भण्डारीले निर्देशन गरेको चलचत्रिमा शुशिल सिटौला, प्रशान्त ताम्राकार, शुभेच्छा खड्का, सुपुष्पा भट्ट साथै टीका पहारी, हरिहर शर्मा, भोलाराज सापकोटा, जीवन भट्टराई, नरेश पौडेल, रबी गिरी, जगदिश रिजाललगायतको अभिनय रहेको छ ।
