काठमाडौँमा एक कार्यक्रमको बीच नेपाली चलचित्र ‘गोपी’को ट्रेलर सार्वजनिक गरिएको छ । सार्वजनिक ट्रेलरमा मुख्य कलाकार विपिन कार्की, सुरक्षा पन्त, वर्षा राउत, अंकित खड्का फिचर्ड छन् ।
चलचित्रमा दीपेन्द्र लामाको कथा रहेको चलचित्रमा विपिन कार्की, सुरक्षा पन्त, वर्षा राउत र अंकित खड्काका साथमा भोलाराज सापकोटा, प्रकाश घिमिरे, रमेश अधिकारी, कुन्ति सिमली, हिउँवाला गौतम, सरोज अर्याल, इन्द्रजित चौलागाई, केशव राई, कमलमणी नेपाल, अर्पुभ गौतम, गणेश मुनाल, रामबाबु रेग्मीलगायत कलाकारहरुको अभिनय रहेको छ ।
आरोही इन्टरटेनमेन्टको ब्यानरमा निर्माण भएको चलचित्रलाई रंग पत्रकार तथा समिक्षक दिपेन्द्र लामाले निर्देशन गरेका छन् भने मणिकरण केसीले लगानी गरेका छन् ।
सामिप्यराज तिमिल्सेनाको पटकथा तथा संवाद, शैलेन्द्र डि कार्कीको छायाँकन, गोविन्द राईको कोरियोग्राफी, न्यु बज्राचार्य, अर्जुन पोखरेल, कल्याण सिंहको संगीत, निमेष श्रेष्ठको सम्पादन रहेको छ । चलचित्र माघ १८ गतेबाट प्रदर्शनमा आउने छ ।
