सिनेमाचलचित्र ‘जानी नजानी’को पहिलो ‘एउटीलाई मुटुमा घर’ बोलको गीत सार्वजनिक गरिएको छ ।
बिहीबार राजधानीमा एक कार्यक्रमको आयोजना गरी निर्माण युनिटले चलचित्रको गीत ‘एउटीलाई मुटुमा घर’ सार्वजनिक गरेको हो ।
चैत्र १ गतेबाट सार्वजनिक प्रदर्शनमा आउने चलचित्र ‘जानी नजानी’मा मनिष सुन्दर श्रेष्ठ, सुमी मोक्तान र निरिशा बस्नेतलाई फिचर्ड गरिएको छ ।
रोशनी इन्टरटेनमेन्टको ब्यानरमा निर्माण भएको चलचित्रमा संगीतकार अर्जुन पोखरेल, अम्बिका शर्माको शब्द तथा संगीतकार पोखरेल र दुर्गा खरेलको स्वर छ भने कविराज गहतराजको कोरियोग्राफी रहेको छ ।
आधुनिक प्रेमकथामा निर्माण भएको चलचित्रमा सन्नी सिंह, नम्रता श्रेष्ठ, प्रकाश अधिकारी, कृष्ण भक्त महर्जन, रोशनी केसीलगायतका कलाकारहरु भूमिका रहेको छ ।
चलचित्रलाई बसन्त अधिकारीले निर्देशन गरेका हुन् । यो उनको डेब्यु चलचित्र हो । ‘जानी नजानी’मा कोदनाथ खनाल र सागर काजी माली निर्माताको रहेका छन् ।
सामिप्यराज तिमिल्सेनाको कथा, पटकथा तथा संवाद रहेको सिनेमामा सञ्जय लामाको छायाँकन, अर्जुन पोखरेलको संगीत, कविराज गहतराज, प्रविन सिंह र शिशिर खातीको कोरियोग्राफी, अर्जुन जिसीको सम्पादन रहेको छ ।
