आइतबार काठमाडौंमा एक कार्यक्रमको आयोजना गर्दै फिल्म ‘सयकडा दश’को ट्रेलर सार्वजनिक गरिएको छ ।
माघ १८ गतेबाट रिलिज हुने फिल्म सार्वजनिक ट्रेलरमा मनोज गजुरेल, राजाराम पौैडेल, रवि डंगोल, रश्मी भट्ट, सोनिया राई, करुणा श्रेष्ठ, उसव न्यौपाने, अमित पोखरेल, अमृत ढुगांनालाई स्थान दिएको छ ।
रामशरण पाठकको लेखन तथा निर्देशन रहेको छ भने कार्यकारी निर्माता बरिष्ट कलाकार राजाराम पौडेल हुन् ‘सयकडा दश’मा आफुले नाफाको लागि भन्दा पनि आत्मासन्तुष्टी र देशका लागी केही गरौं भनेर निर्माण गरेको बताए ।
दर्शना क्रियसनको व्यानरमा निर्माण भएको फिल्ममा सामाजिक अभियान्ता रज्जु प्रधान, उत्तम खत्री, डिआर उपाध्याय, र संजीव न्यौपानेको लगानी रहेको छ ।
भ्रष्टाचार विरुद्ध प्रेम बोल्ने फिल्ममा मनोज निरौला, बल कृष्ण घिमिरे र साजन थापा सह निर्माताको रुपमा रहेका छन् ।
‘सयकडा दश’मा रज्जु प्रधानको कथा, निर्देशक रामशरण पाठकको पटकथा तथा संवाद, कल्याण सिंह र जुगोल डंगोको संगीत, रामश्वर कार्कीको छायांकन, दीलिप ओखेडाको कोरियोग्राफी, बनिष शाह र भुपेन्द्र अधिकारीको सम्पादन रहेको छ ।
