आजबाट नेपालको मौलिक संवत अर्थात राष्ट्रिय विभूति शंखधरकृत नेपाल संवत ११४२ को शुभारम्भ भएको छ। प्रत्येक वर्ष कार्तिक शुक्ल प्रतिपदाका दिन मनाइने नेपाल संवत ११४२ आज देशभर विविध कार्यक्रम आयोजना गरी मनाइँदैछ । यस संवतलाई हाल नेवार समुदायले नयाँ वर्षका रुपमा मनाउने गरेका छन ।
राष्ट्रिय विभूति शंखधर साख्वाःले विसं ९३७ (इ सं ८८०) मा गरीब जनताको ऋण मोचन गरी नेपाल संवत शुरुवात गराउनुभएको थियो ।नेपाल संवत ११४२ शुरु भएको अवसरमा नेवार समुदायको बाहुल्यता रहेका स्थानमा काठमाडौँ, ललितपुर, भक्तपुर, बनेपा, धुलिखेल, बाह्रबिसे, दोलखा भीमेश्वरलगायत विभिन्न कार्यक्रमको आयोजना गरि मनाइन्छ ।
