आगामी २७ पौषबाट देशव्यापी सिनेमा हलमा प्रदर्शनमा आउन लागेको चलचित्र ‘चौका दाऊ’को नयाँ गीत ‘मेरो माया कतारमा सँधै हतारमा’ बिहीबार सार्वजनिक गरिएको छ ।
उक्त चलचित्रको गीत बरिष्ट संगीतकार शम्भुजीत बासकोटाको गीत र संगीत गरेका हुन् भने श्री पुरुष ढकालको शब्द रहेको यो गीतलाई शम्भुजीतसँगै सुमन गुरुङले स्वर दिएका छन् ।
यो गीतमा सोनीका केसीको नृत्य रहेको छ । यो नृत्यमा कलाकारहरु विल्सन विक्रम राई, सन्तोष पन्त, रविन्द्र झा, तैयव शाह, श्याम राईलगायतको दृष्य हेर्न सकिने छ ।
गीतको नृत्य निर्देशन बसन्त श्रेष्ठले गरेका हुन् । गीतको अन्त्यमा अभिनेत्री वर्षा राउत प्रस्तुत हुन्छिन् । वर्षासँगै अभिनेता अजश्र ढुँगानाको पनि नृत्य हेर्न सकिन्छ । यो चलचित्रमा वर्षा राउत, अजश्र ढुँगाना, विल्सन विक्रम राई, सन्तोष पन्त, रविन्द्र झा, तैयव शाह, श्याम राई, निर्मल शर्मा, सोनिका केसीलगायतको अभिनय छ ।
दीर्घ गुरुङको छायाँकन रहेको यो चलचित्रमा मित्रदेव गुरुङको सम्पादन, बसन्त श्रेष्ठको नृत्य निर्देशन छ । चलचित्रलाई सौर्यजीत बाँसकोटा र मनोज राजभण्डारीले निर्माण गरेका हुन् ।
