नायक प्रदिप खड्का र नायिका जसिता गुरुङको मुख्य भूमिका रहेको चलचित्रको ‘लभ स्टेशन’को छायांकन सकिएपछि छ ।
उक्त चलचित्रको छायांकन सकिएको उपलक्ष्यमा ‘लभ स्टेशन’को सम्पूर्ण टिमले केक काटेर सेलिव्रेशन गरेको हो ।
चलचित्रको सम्पूर्ण दृश्यको छायांकन सकिएको भएता पनि २ वटा गीतको छायांकन बाँँकी रहेको छ । उक्त गीत मनाङमा र अर्को गीत जापानमा छायांकन गर्ने योजनो निर्माण पक्षको छ ।
प्रेमकथामा आधारित यो चलचित्रको दार्जिलिङ, कालिङपोङ, मिरिक, फिक्कल, कन्याम, इलाम, श्रीअन्तु हुँदै काठमाडौंमा छायांकन गरिएको छ ।
उज्ज्वल घिमिरेद्वारा निर्देशित चलचित्रका निर्माता गोविन्द शाही रहेको छ । निर्माता शाहीले फस्टलुकसहित रिलिज मिति चाडै सार्वजनिक गर्ने बताए ।
चलचित्रमा रमेश बुढाथोकी, प्रकाश शाह, रेशु भट्टराई, बिनोदकुमार पौड्याल, प्रिया रिजाल, सरु बिष्ट, रवी डंगोल, दिनेश काफ्ले, कालु रानासहितको मुख्य भूमिका छ ।
