आज बिहान १० बजे नवलपरासीमा सवारी दुर्घटना हुँदा २ जनाको मृत्यु भएको छ । ६ जना गम्भीर घाईत्ते भएका छन् ।
भैरहवा भुमई पाईपास सडक अन्तर्गत जिल्लाको रामग्राम नगरपालिका–१२ जमुवाडमा स्थित ट्रक र माईक्रोबस एक आपसमा ठक्कर खादा सो दुर्घटना भएको हो ।
दुर्घटनामा परि गम्भीर घाईते भएका ८ जना मध्ये दुईजनाको उपचारको क्रममा मृत्यु भएको जिल्ला प्रहरी कार्यालयले जनाएको छ ।
मृत्यु हुनेमा रामग्राम नगरपालिका २ परासी बस्ने वर्ष ३५ का अरविन्द ठाकुर र रामग्रामकै वडा नं.५ बस्ने वर्ष २६ का जितेन्द्र कुमार पाण्डे रहेको प्रहरी कार्यालय जनाएको छ । बाँकी ६ जना गम्भीर घाईते मध्ये ५ जनाको उपचार भुमहीको एक सामुदायिक अस्पतालमा भैरहेको छ भने १ जनालाई थप उपचारका लागि रुपन्देहिको क्रिम्सन अस्पताल मणिग्राममा लगिएको प्रहरीले जानकारी दिएको छ ।
परासीबाट भुमही जादै गरेको लु १ ख ९२३६ नंम्बरको यात्रुबाहक माइक्रो बस र विपरीत दिशाबाट आउदै गरेको ना ५ ख ९२४५ नम्बरको ट्रक एक आपसमा ठोक्किएको हो । स्थानियका अनुसार बाक्लो हुस्सुका कारण ट्रक गलत दिशामा गई बसलाई ठक्कर दिएको हो । ठक्कर दिने ट्रक प्रहरीको नियन्त्रणमा छ ।
