विश्व सम्पदा सूचीकृत रहेको स्वयम्भूस्थित स्वयम्भू चैत्य परिसरमा रहेको भजन खलमा आगलागी भएको छ । शुक्रवार बेलुकी पौने ७ बजे आगलागी भएको हो । आगलागी नियन्त्रणका लागि काठमाडौं उपत्यकाभित्रका चारवटा दमकल र पानी ट्यांकर प्रयोगमा ल्याइएको काठमाडौं महानगरपालीका दमकल इन्चार्ज बद्रीमान नगरकोटीले जानकारी दिनुभयो । नगरकोटीका अनुसार आगलागीबाट मानबीय क्षती नभएको र के कारणले आगलागी भएको भन्नेबारे अनुसन्धान भइरहेको छ । स्थानीय र सुरक्षा निकायले आगो नियन्त्रणमा लिने प्रयास गरेका छन् । क्षतिको एकिन बिबरण आइनपुगेको स्वयम्भू प्रहरी वृत्तले बताएको छ ।
