आयोजक एस इन्टरनेसनलले सातौं एस अन्तर ए लेभल कलेजस्तरीय छात्र बास्केटबल प्रतियोगितामा शनिबार विजयी सुरुआत गरेको छ ।
त्रिपुरेश्वरस्थित राष्ट्रिय खेलकुद परिषद्को कभर्डहलमा एसले जेम्सलाई ४८–४४ ले पराजित ग¥यो । एसको जितमा नियोन शेरचनले १९ अंक योगदान गरे ।
अन्य खेलमा रातो बंगला, डिफेन्डिङ च्याम्पियन मल्पी र ब्रिटिस मोडेल विजयी भए । रातो बंगलाले रुपिज इन्टरनेसनललाई ४१–३० ले हरायो । रातो बंगलाका साश्वत पाण्डेले १५ अंक जोडे ।
मल्पीले काष्ठमण्डपमाथि ५३–२८ को सहज जित दर्ता ग¥यो । मल्पीका प्रसङध्वज मास्केले ३४ स्कोर गरे । नामी विरुद्धको खेलमा ब्रिटिस ३८–२७ ले विजयी भयो । विजेताका जोएल घलेले १२ अंक जोडे । लिग कम नकआउट आधारमा माघ २० गतेसम्म चल्ने प्रतियोगितामा ८ टिम सहभागी छन् ।
