नेपाल बुद्धिचाल संघव्दारा आयोजित ४३औं चेस ओलम्पियाडको लागि छनोट प्रतियोगिता पाँचौं चरणको समाप्तिपश्चात् रोचकमोडमा पुगेको छ । जसमा पुरुषतर्फ रौतहटका रुपेश जैसवाल र दोलखाका आशिष फूँयाल तथा महिलातर्फ रौतहटकै बिना जैसवाल र झापाकी खुश्बु थापाले समान साढे ३ अंकका साथ शीर्ष स्थानमा रहेका छन् ।
पर्सा जिल्ला बुद्धिचाल संघको ब्यवस्थापनमा नेशनल इन्फोटेक कलेजमा जारी प्रतियोगिताको सोमबार मध्यमान्चल क्षेत्रीय खेलकुद विकास समितिका अध्यक्ष मानदेव हजारा, प्रेस चौतारी पर्साका अध्यक्ष अनुपतिवारी र आरिया एजुकेशन इन्स्टिच्यटका प्रबन्धक अशोक शाहले संयुक्त रुपमा खेल शुभारम्भ गरेका थिए ।
यस प्रतियोगितामा दुबै समुहका उत्कृष्ट २÷२ जना खेलाडीहरु आगामी सेप्टम्बर २६ देखि अक्टोबर ८ तारिखसम्म जर्जियामा हुने ४३औं चेस ओलम्पियाडमा नेपालबाट खेल्नेछन् ।
